To advertise a vacancy in this section e-mail your advert to
info@hebrides.biz
Adverts for each vacancy are only £25 for two weeks
or £35 for a month. Unlimited text.
Discounted rates available for multiple vacancies
Oifigear Leasachaidh Òigridh is Coimhearsnachd
(0.7fte)
Sgìre Loch a Tuath Leòdhais
(Steòrnabhagh 's an sgìre mun cuairt)
(Tuarastal £22-24K pro-rata. Cumhnant airson bliadhna le cothrom sìneadh)
Tha Comunn na Gàidhlig a’ sireadh Oifigear Leasachaidh Òigridh is Coimhearsnachd
ann an sgìre Loch a Tuath Leòdhais, (Steòrnabhagh, Am Bac, Tolastadh, an Rubha).
Thathas a’ lorg neach-obrach a tha fileanta sa Ghàidhlig, eòlach air a bhith ag
obair aig ìre coimhearsnachd, agus gu sònraichte obair òigridh, comasach air càirdeas
a thogail leis an òigridh, comasach air a bhith ag obair le glè bheag de stiùireadh
bho latha gu latha agus math air obair co-òrdanaiche agus a bhith a’ bruidhinn ri
buidhnean 's luchd-obrach aig iomadh ìre. Bidh làn chead draibhidh a dhìth sna sgìrean
far am biodh sin riatanach.
Ann an com-pàirteachas le sgoiltean, bidh na h-oifigearan seo a’ libhrigeadh, a’
cur air dòigh agus a’ co-òrdanachadh phròiseactan a chruthaicheas cothroman Gàidhlig
don òigridh taobh a-staigh agus taobh a-muigh na sgoile. Bidh iad cuideachd ag obair
còmhla ri roinnean leasachaidh eile, mar Sgioba Tràth Bhliadhnachan aig Bòrd na Gàidhlig
is Comann nam Pàrant.
Sa chiad dol a-mach, ‘s e cùmhnant stèidhte airson bliadhna a bhios an seo ach, thathas
dòchasach gum faighear an t-ionmhas a leigeas leinn an obair a shìneadh a-mach. Gheibhear
Tuairisgeul Obrach agus tuilleadh fiosrachaidh, bho: Dòmhnall Mac Nèill, Ceannard,
Comunn na Gàidhlig, 5 Caolraid Mhìcheil, Inbhir Nis, fòn 01463-234138, post-d oifis@cnag.org
Feumaidh iarrtasan a bhith againn ro 12.00 feasgair, Diciadain 9mh Sultain.
Tha an dreuchd seo air a mhaoineachadh le Bòrd na Gàidhlig agus Comhairle nan Eilean
Siar.
'S e companaidh earranta le inbhe charthannais a th' ann an CnaG, àireamh charthannais
SC007167.
A’ CRUTHACHADH CHOTHROMAN DHAN GHÀIDHLIG
